Text

Sa Lawa ng Buwaya

by: Giel Cabigas Caduaan

Intro
Tahimik ang gabi,
May apoy sa ilalim ng tubig.
Ang mga buwaya,
Hindi sa ilog — kundi sa dilim sila nakikinig.
Ang hangin ay tahimik,
Parang sigaw na di marinig.

Verse 1
May mga trono sa gitna ng dusa,
Ngiti sa labi, ngunit puso’y sakim sa masa.
Ang ginto sa mesa, sagana’t ligaya,
Habang gutom ang bayan, wala silang awa.

Pre-Chorus
Ngunit di mo mapapatay,
Ang apoy sa aming kamay.
Bawat sugat ng kahapon,
Magiging apoy ng panahon!

Chorus
Babagon ang bayan,
Sa lawa ng apoy!
Susunugin ang kadiliman,
At muling tatayo ang tinig ng tao!
Walang buwayang magtatago,
Sa liwanag ng pagbabago!

Rap Verse
Buhay ng masa, laging pinagpupusta,
Habang ang buwaya, patuloy sa ginhawa.
Dugo ng bayan, ginawang barya,
Ng mga mukhang santo pero sakim sa trono’t pera.

Ang hustisya’y tulog, sa bulsa nila nakasara,
Ang tinig ng totoo, binabaha ng propaganda.
Pero kahit gabi, may liwanag na nadarama,
Pag ang puso ng bayan, sabay-sabay na umaasa.

Bridge
Naririnig mo ba ang tinig ng ina?
Lumuluhang para sa anak na nawawala.
Ngunit sa luha niya, may pag-asang nadarama.
Apoy ng panibagong umaga.

Final Chorus
Babagon ang bayan,
Sa gitna ng luha.
Susunugin ang dilim,
Hanggang makita ang umaga.
Di na kami mananahimik,
Ang pag-asa ay sa masa.