Text

I
 May awit buhat sa kaitaasan,
 Awit na may angking kabanalan; 
 Siyang inaawit ng sangkatauhan,
 Ang paksa'y kay Jesus na pagsilang.
 Pag-asa ng bawat makasalanan,
 Ang badya'y kaligtasa't tagumpay;
 Ang lahat ng tao ay nagdiriwang,
 Ang Tagapagligtas ay dumatal!

II
 Nang isilang ang Mesyas na dakila,
 Nagbunyi halos ang sangnilikha;
 Si Jesus na Hari'y nagpakababa,
 Isinilang sa sabsabang aba.
 Ang sa Dios na pag-ibig at biyaya,
 Kay Jesus nahayag ng sagana;
 Buhat sa langit nanaog sa lupa,
 Alay ay kaligtasan sa madla.

III
 Di mapapantayan ng kahit sino,
 Kaligtasang alok ng Dios sa iyo;
 Langit ay kusang nilisan ni Cristo,
 Nagtiis na mamuhay sa mundo.
 Buhay Niya'y inialay sa Kalbaryo,
 Layon ay iligtas ka at ako;
 Papasukin sa puso mo si Cristo,
 Iyan ang tunay na diwa ng Pasko.

 Papasukin sa puso mo si Cristo,
 Iyan ang tunay na diwa ng Pasko.